Explanation

یہ نظم علامہ اقبال کے بعض بنیادی افکار کی ترجمانی کرتی ہے۔ اس کا مرکزی خیال مشہور امریکی شاعر ”ایمرسن“ سے لیا گیا ہے۔

اِس نظم میں پنجاب بلکہ پورے ملک کے دہقانوں کو بیداری، ترقی اور سربلندی کا پیغام دیا گیا ہے۔

اِس نظم میں صبح کے ستارے کی زبان سے یہ واضح کیا گیا ہے کہ اگر کسی کو حیاتِ ابدی کی آرزو ہو تو اپنے اندر عشق کا سوز پیدا کرے۔

ضربِ کلیم کی اِس نظم میں ہمیں تقدیر کے اصل مفہوم سے آگاہ کیا گیا ہے اور یہ بتایا گیا ہے کہ قوموں کی تقدیر اُن کے عمل پر موقوف ہے۔

یہ نظم اُس موقع پر لکھی گئی جب مولانا محمد علی مرحوم ایک وفد لے کر خلافت کا مسئلہ انگلستان کے وزیرِ اعظم لائڈ جارج کے سامنے پیش کرنے کے لیے گئے تھے۔

بالِ جبریل کی نظم دُعا علامہ اقبال نے مسجدِ قُرطبہ میں بیٹھ کر لکھی۔ اِس خوبصورت اور پُر تاثیر نظم کا ہر شعر سوز و گُداز میں ڈوبا ہوا ہے۔

اِس نظم میں علامہ اقبال نے در پردہ پردہ کی حمایت بھی کر دی ہے اور بظاہر کُچھ نہیں کہا۔

اِس تمثیلی نظم میں قبر، مُردہ اور صدائے غیب کے باہم مکالمہ سے غلامی جیسی لعنت کا پردہ فاش کیا گیا ہے۔

اِس نظم میں ہمیں بتایا گیا ہے کہ آرٹ کے اندر صفتِ دوام (ہمیشگی کی صفت) اُس وقت پیدا ہو سکتی ہے جب اُس کے اندر جِدّت ہو۔

اِس نظم میں شبنم اور ستاروں کے مابین مکالمہ درج کر کے اِس جہانِ فانی کا حال سُنایا گیا ہے۔

نظم خوشحال خاں کی وصیّت اُن کے جرأت مندانہ کردار کی جانب اشارہ کرتی ہے۔ آپ نے آزادی کی خاطر تمام عمر مغلوں کے خلاف نبرد آزمائی میں گزاری۔

غزل ”کبھی اے حقیقتِ مُنتظر!“ میں علامہ اقبال نے ربِ ذوالجلال سے خطاب کیا ہے اور اُس کے دیدار کی خواہش ظاہر کی ہے۔